Арманистон Хавфсизлик Кенгаши котиби Григорян мамлакатнинг КХШТга аъзо бўлишида муайян муаммоларни кўрмоқда

Арманистон Хавфсизлик Кенгаши котиби Армен Григорян мамлакатнинг Коллектив Хавфсизлик Шартномаси Ташкилотига аъзо бўлиши унга “маълум муаммолар” туғдираётганини, бироқ улар бошқа давлатлар билан ҳамкорликни чекламаслигини айтди.

Бу ҳақда РИА Новости хабар бермоқда.

Григоряннинг сўзларига кўра, КХШТнинг Арманистон учун фойдаси ҳақида, 2020-йилдан бошлаб бирон бир ёрдам намунасини топиш “қийин”. Шу билан бирга, ҳамкорликни мустаҳкамлаш бўйича ишлар давом этишини қўшимча қилди.

“Биз Ғарб ҳамкорларимиз билан хавфсизлик соҳасидаги ҳамкорликни мустаҳкамлаш учун жадал ишлаяпмиз”, - деди Григорян.