АҚШнинг Фаластин аъзолигига вето қўйиши БМТнинг самарасизлигини кўрсатади
Қўшма Штатлар Фаластиннинг Хавфсизлик Кенгашига тўлиқ аъзо бўлиши ҳақидаги резолюция лойиҳасига вето қўйганидан кейин БМТ ўз аҳамияти ва маъносини йўқотди. Бу ҳақда Халқаро жиноий судда (ХЖМ) ишлаган мусулмон давлатидан биринчи адвокат Ҳасан Аслам Шад Анадолу агентлигига берган интервьюсида айтиб ўтди.
Унинг сўзларига кўра, содир бўлган воқеалар ҳозирги глобал динамикага ва бутун дунё тартибига жиддий салбий таъсир кўрсатди. Унинг таъкидлашича, АҚШнинг юқорида қайд этилган ветоси натижасида БМТнинг нуфузи ва самарадорлиги янада пасайган.
Агентлик суҳбатдошининг қайд этишича, Вашингтон доимий равишда Исроилни содир этган жиноятлари учун халқаро жавобгарликдан «ҳимоя қилади».
Адвокат БМТ Хавфсизлик Кенгашининг барча доимий аъзолари вето ҳуқуқидан ўз сиёсий манфаатларига мувофиқ фойдаланишини таъкидлади. «Агар сиз инсоният учун асосий бўлган масалаларда келиша олмасангиз, унда Бирлашган Миллатлар Ташкилоти каби халқаро институтнинг мақсади нима?»
«Бирлашган Миллатлар Ташкилоти ҳозирги босқичда ўз маъносини йўқотгани бутун дунёга аён. Ҳатто БМТ таркибига кирувчи ва мустақил фаолият юритувчи гуманитар ташкилотлар ҳам Исроил томонидан атайлаб нишонга олинади», - дейди ҳуқуқшунос.
Унинг фикрича, Қўшма Штатлар томонидан Фаластиннинг БМТга тўлақонли аъзо бўлиши тўғрисидаги резолюцияга тўсқинлик қилиши «глобал дунё тартибига нисбатан адолатсизлик ҳиссини» янада кучайтиради.
«Афсуски, глобал дунё тартиби ҳозирда бутунлай вайрон қилинган. Ўтган етти ойга назар ташлайдиган бўлсак, Исроил мисли кўрилмаган жазосиз қолган. Ғарб Исроилнинг ҳаракатларини ҳимоя қилиш учун ҳаракат қилмоқда», - деди у.
Унинг эслатишича, БМТга алоқадор мустақил гуманитар ташкилотлар ҳам Исроилнинг Ғазо секторидаги ҳужумлари нишонига айланган. «Улар кўплаб ходимларини йўқотдилар, аммо БМТ буни тўхтата олмади. Бунинг битта оддий сабаби бор: БМТ резолюцияларининг бажарилиши аъзо давлатларга боғлиқ. Агар Исроил ва АҚШ тўхтамаса, мен ишонаманки, бу халқаро институтларнинг барчаси мутлақо кераксиз бўлиб қоладиган кун узоқ эмас», — деди Шад.
