АҚШда Дональд Трампнинг порно-юлдузга тўлаган маблағи бўйича суд жараёни бошланди
15 апрель куни Нью-Йоркда АҚШнинг собиқ президенти Дональд Трампга нисбатан биринчи жиноий суд жараёни бошланди, дея хабар беради Каzinform агентлиги CNNга таяниб.
Суд биноси ёнида юздан ортиқ журналист тўпланган. Суд мажлисида Трампнинг ўзи иштирок этди.
У матбуотга қисқа баёнот бериб, суд жараёни жодугар овидан бошқа нарса эмаслигини яна бир бор такрорлади.
Трамп 2016 йилги сайловолди кампанияси учун йиғилган маблағларни ноқонуний сарфлагани, ҳужжатларни сохталаштиргани ва порно-юлдуз Сторми Дэниелсга 130 минг доллар тўлагани учун суд қилинаётганига қарамай, бу йил Республикачилар партиясидан президентликка номзод бўлиш учун курашмоқда. Трамп ишида 34 эпизод мавжуд.
Трамп ўзи ғалаба қозонган 2016 йилги президентлик сайлови олдидан порно-актриса Сторми Дэниелсга 130 минг доллар тўлаганини яширишга уринганликда айбланмоқда. Тўловнинг ўзи қонунбузарлик эмас, бироқ Трамп ўз адвокатига сарфлаган пулларини қоплаганида, бу юридик тўловлар учун тўлов сифатида ҳужжатлаштирилган.
