АҚШ уриб туширилган дрон нотўғри қўлларга тушмаслиги учун чоралар кўрмоқда - Кирби
Оқ уй Миллий хавфсизлик кенгаши сўзловчиси Жон Кирбининг CNN телеканалига айтишича, Қўшма Штатлар сешанба куни Қора денгизга қулаган MQ-9 Reaper нотўғри қўлларга тушиб қолмаслиги учун «қадамлар кўрди».
«Биз, албатта, биздан бошқа ҳеч ким бунга эришишини хоҳламаймиз», деди Кирби.
Аввалроқ Пентагон матбуот котиби генерал Патрик Райдер ҳалокатга учраган дрон россиялик ҳарбийлар қўлида эмаслигини маълум қилганди.
Аввалроқ Россиянинг ҳарбийларга хайрихоҳ телеграм каналларида аудиоёзув пайдо бўлган эди, унда баъзи одамлар қулаган дрон қолдиқларининг бир қисмини пастдан кўтариш борасида рус тилида қандай музокара олиб бораётганини эшитишингиз мумкин. Хусусан, «ички ёнув двигателининг корпусини» кўтариш мумкин бўлгани даъво қилинган. Бу маълумотлар расман тасдиқланмаган.
АҚШ расмийлари воқеа акс этган тасвирларни эълон қилишга ваъда беришди, аммо бу фотосуратлар ёки видеолар эканлиги ҳали аниқ эмас.
АҚШ ўзининг MQ-9 Reaper разведкачи учувчисиз самолёти Қора денгизнинг нейтрал қисмида осмонда Россиянинг Су-27 қирувчиси билан тўқнашиб кетган ва кейин сувга қулаган. Россия Мудофаа вазирлиги тўқнашувни инкор этиб, дрон аннекция қилинган Қрим томон ўчирилган транспондерлар билан учганини даъво қилмоқда.
