АҚШ Нигердан қўшинларини олиб чиқади
Қўшма Штатлар ҳарбий тўнтаришдан сўнг ҳокимият тепасига келган маъмурият талабига биноан ўз ҳарбий контингентини Нигердан олиб чиқишга рози бўлди.
Маҳаллий матбуотнинг ёзишича, қўшинларни олиб чиқиш қарори Вашингтонда АҚШ Давлат котиби ўринбосари Курт Кемпбелл ва Нигер бош вазири Али Маҳаман Ламин Зейн ўртасидаги учрашувдан сўнг қабул қилинган.
Қайд этилишича, Қўшма Штатлар Саҳрои Кабир чўлидаги Агадез яқинида жойлашган учувчисиз учиш аппаратлари базасини ёпишга рози бўлган.
АҚШ делегацияси 1000 га яқин аскарнинг тартибли равишда олиб чиқилишини таъминлаш учун бир неча кун ичида Ниамейга бориши кутилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
