АҚШ ҲАМАСни Ғазо секторида сулҳ тузишдан бош тортишнинг жиддий оқибатларидан огоҳлантирди

БУ ҳақда Тhe Wall Street Journal хабар берди.

Қатар ва Миср расмийлари ҲАМАС етакчиларига Исроил билан ўт очишни тўхтатишга рози бўлмасалар, ҳибсга олинишлари, активлари музлатилиши, санкциялар ва Доҳадаги хавфсиз қароргоҳларидан чиқариб юборилишлари каби чоралар кўрилиши мумкинлигини айтишган.

АҚШ президенти Жо Байден ҲАМАСни "ўт очишни батамом тўхтатиш йўлидаги ягона тўсиқ" деб атади.

"АҚШ президенти таклиф қилган вариант ҲАМАСга тўғри келмайди. Уларнинг ҳисоблашича, Байден урушнинг тугашини кафолатламайди. Шу билан бирга, Вашингтон ўт очишни тўхтатиш бўйича ҲАМАСдан ҳали якуний жавоб олгани йўқ", деб ёзмоқда Тhe Wall Street Journal.