Андижонда метан газнинг максимал нархи белгиланди
Андижон вилоятида метан газ нархига чеклов ўрнатилди. Вилоят ҳокимлиги матбуот хизмати хабарига кўра, максимал нарх 3750 сўм миқдорида белгиланган.
«Агарда нарх сунъий оширилган ҳолатларга гувоҳ бўлсангиз тегишли идораларга ёки матбуот хизматига (+998932730823) бу ҳақда маълумот қолдиришингиз сўралади», дейилади хабарда.
1 август куни автомобилларга газ тўлдириш шохобчаларида метан ва пропан нархи ошгани ҳақида хабарлар тарқалгач, Рақобат қўмитаси бу борада ўрганиш ишларини бошлаган эди.
2024 йил 25 май куни Вазирлар Маҳкамасининг метан газ учун белгиланган энг баланд чакана нархнинг амал қилиш муддатини узайтириш ҳақидаги қарори қабул қилинган ва 1 августга қадар автомобилларга газ тўлдириш шохобчаларида 1 куб.м. метан газнинг энг юқори нархи 3750 сўм этиб белгиланган эди.
