Андижонда ИИБ ходимлари фуқароларни калтаклагани ростми?

Андижонда ИИБ ходимлари фуқароларни калтаклагани ростми?

Ижтимоий тармоқларда Андижон вилоятида ички ишлар ходимлари томонидан фуқаролар калтаклангани ва ҳақоратлангани айтилган видеолар тарқалди. Фуқаролар билан зиддиятга борганлар Андижон шаҳар ИИО ФМБ 4-сон ИИБ ходимлари эканлиги айтилмоқда.

Бош прокурор матбуот котиби Ҳаёт Шамсутдиновнинг маълум қилишича, ҳолат юзасидан бугун, 14 сентябрь куни Жиноят кодексининг 109-моддаси (қасддан баданга енгил шикаст етказиш) билан жиноят иши қўзғатилган.

«Ҳозирда тергов ҳаракатлари олиб борилмоқда, Андижон вилоят прокуратураси томонидан назорат ўрнатилган» – дейилади баёнотда.

Шунингдек, Андижон вилояти ИИБ масъул ходимлари ҳолат юзасидан хизмат текшируви ўтказилаётганини, натижаси юзасидан қўшимча ахборот берилишини маълум қилди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!