19 ёшли футболчи ўлдирилди, жиноятчилар орасида аёл ҳам бор

"Харлоу Таун" футболчиси Франсуа Каблан Лондондаги жанжал вақтида ҳалок бўлди. Бу ҳақда "The Guardian" хабар бермоқда.

19 ёшли спортчини пичоқлашган, у воқеа жойида вафот этди. Полиция тўрт кишини ҳибсга олди: Кабланни ўлдиришда гумон қилинганлар — уч эркак ва бир аёл. Уларнинг энг кичиги 20 ёшда. Икки гумондор гаров эвазига озод қилинди.
Каблан "Харлоу Таун" захира таркибида ўйнаган. "Франсуа ажойиб йигит ва ажойиб ўйинчи эди. Кўпгина ўйинчиларимиз у билан битта коллежда таҳсил олишган, шунинг учун уларга бу фожиа ҳақида билиш осон бўлмади», — деди мураббий Адам Конноли.