11-16 январь кунлари Тошкентда Кино ҳафталиги бўлиб ўтади

11-16 январь кунлари Тошкентда Кино ҳафталиги бўлиб ўтади

Жорий йилнинг 11-16 январь кунлари Ёшлар ижод саройида "Ўзбеккино" Миллий агентлиги томонидан  "Ўзбек миллий кино санъати ҳафталиги" ташкил этилади. Ҳафталик давомида янги кинолойиҳалар тақдимоти, ёшлар учун маҳорат дарслари, давра суҳбатлари, кастинг ва конференциялар ҳамда ҳар кун сўнгида янги фильмлар премьералари бўлиб ўтади. 

Бундан ташқари, Республика бўйлаб таниқли киноижодкорлар билан ижодий учрашувлар ташкил этилиб, аҳоли билан ўзбек кино санъати тарихи ва бугунги куни бўйича мулоқот уюштирилади. Учрашувлар сўнгида бир қатор тарихий-бадиий фильмларнинг бепул намойиши бўлиб ўтади. Кино ҳафталик доирасида Бутунроссия кинематография институтининг Тошкентда филиалини очиш, Тошкент Халқаро кинофестивалини ташкил қилиш, чет элда сақланаётган ўзбек фильмларининг мумтоз намуналарини қайтариш, ёш киноижодкорларга шароит ва имконият яратиш каби муҳим топшириқлар бўйича экспертлар ҳамда мутахассислар билан "Ўзбеккино"нинг 2021 йилги "йўл харитаси" қабул қилинади. 

Шунингдек, ҳафталик давомида миллий мультипликация, ҳужжатли ва бадиий фильмлар ҳамда ёш киноижодкорлар кунлари, бир нечта кастинг ва питчинглар, кино соҳасига оид долзабр мавзуларда конференциялар ҳамда ижодий учрашувлардан ўтказилади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!