10 км узунлик: Будапештда маошидан норози ўқитувчилар намойишга чиқди

Венгрияда ўқитувчилар, талабалар ва уларнинг ота-оналари иш ҳақини ошириш ва таълим ислоҳоти учун намойишларни кучайтирдилар.

Жума куни пойтахт Будапештда узунлиги 10 километр бўлган намойишчилар занжири пайдо бўлди, мамлакатнинг турли шаҳарларида ҳам намойишлар ўтказилди.

Ўқитувчилар сентябрь ойида маош ва ходимлар сонини оширишни талаб қилиб, "Мен дарс бермоқчиман" номли норозилик ҳаракатини бошлаган эди.

Ўқитувчилар, шунингдек, иш ташлаш ҳуқуқининг чекланишига ҳам норозилик билдирмоқда.

Рекорд даражага чиққан инфляция ва Украинадаги уруш туфайли ёмонлашган иқтисодий инқироз билан курашаётган ҳукумат намойишлар бошланганидан кейин ҳаракатга қўшилган баъзи ўрта мактаб ўқитувчиларини ишдан бўшатди.

Ҳатто университет битирувчисичалик турмуш даражасига эга эмаслигини таъкидлаган фаоллар, олаётган маошлари ҳатто оддий эҳтиёжларини қондиришга ҳам етмаслигини иддао қилишди.

Президент Виктор Орбан эса қонун устуворлиги ва демократик тамойилларнинг бузилиши каби сабаблар туфайли музлатиб қўйилган Европа Иттифоқи маблағлари озод қилиниши биланоқ ўқитувчиларнинг маошларини оширишга ваъда берган эди.