Зеленский: Нега Трамп урушни тугатмади?

Агар Доналд Трамп 2024-йилги президентлик сайловларида ғалаба қозонса, Вашингтоннинг Украинани қўллаб-қувватлаши билан боғлиқ вазият ўзгариши мумкин, деди Украина президенти Владимир Зеленский.

Украина АҚШда президент ўзгаришидан қўрқадими, деган саволга жавоб берар экан, Зеленский бунга “оддий одамдек” муносабатда бўлишини айтди. "Сиз яхши томонга ўзгаришларни хоҳлайсиз, лекин у бошқача бўлиши мумкин", деди Зеленский.

У, шунингдек, Трампнинг Украинадаги урушни бир кунда тугатиши мумкинлиги ҳақидаги баёнотларига яна бир бор изоҳ берди.

“Мен нима учун Доналд Трамп Путин ва Зеленскийни 24 соат ичида музокара столига ўтириб, урушни тугатишини айтганини тушунмадим. Ахир у (АҚШ президенти) бўлганида ҳам буни уддалай оларди. Лекин бу содир бўлмади.

Ҳа, савол, эҳтимол, ўша пайтда унчалик кескин эмас эди, чунки агар таҳлил қилсак, тўлиқ миқёсли босқинчилик бўлмаган. Аммо шунга қарамай, бизнинг ҳудудларимиз босиб олинди”, — деди Украина президенти.