"Зарарли эмас": Тошкент ҳавоси яна ифлосланганлигига изоҳ берилди

Гидрометеорология хизмати маркази Тошкент ҳавосининг ифлосланиши бўйича баёнот берди.

"Макросиноптик ҳолат бўйича республикамиз ҳудуди, шу жумладан Тошкент шаҳри ҳам антициклон периферияси таъсирида қолмоқда. Мазкур жараён атмосферанинг ер сиртига яқин қуйи қатламида ҳавонинг қуёш ботиши ва чиқишидан сўнг радиацион совушини келтириб чиқаради. Бу эса ҳавода сув буғларини тўйиниши, қалин туман ва булдуруқ ҳодисаларига сабаб бўлади. Ҳаводаги сув буғлари ҳарорат -100С...-150С оралиғида муз парчаларига айланиб, майда дисперсс заррачалар кўринишида ҳавода хираликни юзага келтиради. Шу билан бирга шамол омилининг йўқлиги эса ҳавода кўринувчанликни пасайтириб юборади.

Айни вақтда Тошкент шаҳридаги атмосфера ҳавосининг пастки қатламида (100-150 метргача) ҳарорат инверсияси (ҳаво ҳароратининг баландликка қараб ортиб бориши) вужудга келди. Ҳарорат инверсияси – ҳавони вертикал ҳаракатларига тўсқинлик қилади, натижада майда заррачали (PM 2,5) ифлослантирувчи моддалар концентрация ошиб боришига сабаб бўлади. Ҳаводаги кўринувчанликни пасайиши эса транспортларни ҳаракатланишига салбий таъсир кўрсатади. Жумладан, 22 январь соат 2200дан 23 январь соат 0500га қадар пойтахтда радиацион совиш фонида қалин туман ҳодисалари рўй бериб, Тошкент халқаро аэропортида кўриниш масофаси 50-100 метргача бўлганлиги сабабли ушбу вақт оралиғидаги 11 та авиарейслар заҳира аэропортларга қўндирилди.

Шу билан бирга, юқорида қайд этиб ўтилганидек туман ва булдуруқ ҳодисалари таъсирида PM 2,5 майда дисперс заррачаларини ортиши ўлчов воситаларида аниқланиб AQI рейтингида шаҳримиз 23 январь куни соат 700-900 оралиғида 317-кўрсаткич билан биринчи ўринга кўтарилди. Айни дамда ҳаво ҳароратининг ортиши натижасида туман, булдуруқ ҳодисалари чекиниб ҳавонинг майда заррачалар билан ифлосланиши пасаймоқда (23.01.2023 йил соат 10:00ҳолатига AQI рейтингида 3-ўринда).

Ҳамшаҳарларимизга шуни эслатиб ўтмоқчимиз-ки, ушбу жараёнда атмосфера ҳавосининг зарарли ифлослантирувчи моддалар билан ифлосланиш ҳолати рухсат этилган меъёрий миқдорлардан ортмаган. Автотранспорт ҳаракати натижасида азот икки оксиди миқдори 0,2-0,3 маротаба рухсат этилган меъёрий мифдорлардан ортгани қайд этилиб, ушбу кўрсаткич юқори даражадаги ифлосланиш ҳисобланмаган ҳолда инсон саломатлигига салбий таъсир кўрсатмайди".