ЙПХ автомобилида чақалоқ дунёга келди

Бу ҳақда ЙҲХХ матбуот хизмати хабар берди.

Маълум қилинишича, 4P-112 Фарғона халқа автомобиль йўлининг 20 километрида хизмат олиб бораётган Наманган вилояти ЙҲХБ ЙПХ 5-сафарбарлик гуруҳи ходимларига йўл четида тўхтаб турган «Cobalt» автомашинаси ичидан аёл киши тушиб, келинини туғруқхонага олиб боришда кўмак сўраган.

Аёл хизмат машинасида олиб кетилаётган вақтда ҳолати ёмонлашган, бола туғилиши яқинлашаётганини сезган ходимлар тез ёрдамни ҳам кутмай туғруқхона томон ҳаракатни давом эттирган. Аммо чақалоқ манзилга етиб улгурмай ЙПХ автомобилида дунёга келган.

Шифокорлар томонидан зудлик билан кўрсатилган тиббий ёрдам натижасида она ва қизнrинг саломатлигига ҳеч қандай зиён етмаган.