Янги йил дастурхони сабаб қанча ортиқча вазн йиғиш мумкинлигини биласизми?

Россиялик парҳезшунос ҳамда эндокринолог Алексей Калинчев Янги йил базмларида агар соғлом овқатланиш ва жисмоний фаоллик унутиб қўйилса, қанча вазн орттириш мумкинлигини маълум қилди, деб хабар берди RТ.

Унинг сўзларига кўра, гап 2-3 кг ҳақида кетмоқда.

Мутахассиснинг таъкидлашича, агар кимдир юқорида кўрсатилган сондан бир неча кг кўпроқ вазн йиғса, бу ёғни эмас, балки турли хил тузланган бодринг ва балиқлар, маринадлар ҳамда тузланган карам сабаб юзага келган ортиқча суюқликни англатади.

Қайд этилишича, бундай овқат организмдаги суюқликни ушлаб туради. Бунга спиртли ичимликлар ҳам ҳисса қўшади.