Янги чорлов: Москваликларни урушга ундаш учун янги йўл қўлланилмоқда
![Янги чорлов: Москваликларни урушга ундаш учун янги йўл қўлланилмоқда Янги чорлов: Москваликларни урушга ундаш учун янги йўл қўлланилмоқда](/photos/news/s3hVSe77NO3Jlqc.jpeg)
Москва аҳолиси Россия армиясига қўшилиши учун 22 минг долларга тенг бир марталик тўлов олади.
Москва аҳолиси Россия Мудофаа вазирлиги билан шартнома имзолагандан сўнг 1,9 миллион рубль (21 777 доллар) миқдорида бир марталик тўлов олади, деб хабар бермоқда шаҳар маъмурияти. Шаҳар мери Сергей Собянин тегишли фармонни имзолади.
Маъмуриятнинг аниқлик киритишича, ушбу тўлов 2024 йил 23 июлдан бошлаб танловдан ўтганлар учун мавжуд бўлади. Москва расмийлари, шунингдек, Украинада жанг қилаётган россиялик аскарларни қўллаб-қувватлашнинг барча чоралари, шу жумладан ойлик 50 минг рубль (573 доллар) миқдорида тўловни сақлаб қолишларини тасдиқлади.
«Шартномадаги ҳарбий хизматчига тўланадиган тўловларнинг умумий миқдори (ойлик иш ҳақи ва Москва ва федерал қўллаб-қувватлаш чораларини ҳисобга олган ҳолда) хизматнинг биринчи йили учун 5,2 миллион рублдан (59 599 доллар) ошади», деди маъмурият.