Хоразмда гиёҳванд моддалар савдоси билан шуғулланаётган шахслар ушланди
Жорий йилнинг 29 сентябр куни Хоразм вилояти ИИБ Транспортда ХТБга келиб тушган аризага кўра, Р.А. исмли фуқаро Урганч шаҳар Хонқа кўчасида яшовчи 1996 й.т. “Ш” исмли шахс, Урганч темир йўл шифохонаси ёнидаги дорихоналар олдида “трамадол ланнахер” ва бошқа тақиқланган дори воситаларини сотиш билан шуғулланиши ва уни жиноят устида ушлашда амалий ёрдам беришини билдирган.
Олиб борилган тезкор тадбир давомида Хоразм вилоят ИИБ Транспортда ХТБ ҳамда ДХХ Хоразм вилояти бошқармаси ходимлари 1996 й.т. “Ёшлар келажак йўлида” МЧЖ раҳбари лавозимида ишловчи, Т.Ш.ни Темир йўл шифохонаси ёнидаги дорихона биноси олдида шартли ҳаридор Р.А.га 4.000.000 млн. сўмга, жами 50 дона “Трамадол ланнахер” ёзувли дори доситасини сотган вақтида ушлаб, ёни холислар иштирокида кўздан кечирилганда, 2 дона “Трамадол ланнахер” ёзувли ва 2 дона “Регапен” ёзувли дори воситалар борлиги аниқланиб ҳужжатлаштирилган.
Т.Ш. ўз кўрсатмасида ушбу дори воситаларини таниши “Х” исмли шахсдан олганлигини ва уни ушлашда амалий ёрдам беришини билдирган.
30 сентябръ куни 1985 й.т. Урганч шаҳар П.Махмуд кўчасида яшовчи Р.Х. Урганч шаҳри Наманган кўчасида шартли ҳаридор Т.Ш.га 300.000 сўмга, 6 дона “Регапен” таблеткасини сотган вақтида ушланиб, ёнлари холислар иштирокида кўздан кечирилганида, 8 дона “Регапен” таблеткаси ҳамда бир бўлакдаги оқ қоғоз парчасига ўралган яшил рангли, ўзига хос ҳидли, ўцимон модда борлиги аниқланиб ҳужжатлаштирилган.
Хоразм вилояти ИИБ эКБнинг хулосасига кўра Т.Ш.дан назорат тартибида сотиб олинган таблеткаларнинг умумий соф вазни 2,6 грамм “Трамадол” эканлиги, Р.Х. ўз ихтиёри билан тақдим қилган бир бўлакдаги қоғоз парчасига ўралган 0,16 грамм “Марихуана” гиёҳвандлик моддаси эканлиги аниқланган.
Тадбир давомида ҳужжатлаштириб олинган “Регапен 300 мг” ёзувли дори воситаларини текшириш учун Ўзбекистон Республикаси ИИВ эКБМга суд-кимёвий экспертизаси тайинланган.
Мазкур ҳолат юзасидан Ўзбекистон Республикаси Жиноят кодекснинг 273-моддаси 5-қисми билан жиноят иши қўзғатилган.
