Хaния тахминан 7 кг оғирликдаги жанговар каллакли снаряддан ҳалок бўлди

ХАМАС сиёсий бюроси раҳбари Исмоил Ҳания оғирлиги тахминан 7 кг бўлган жанговар каллакли қисқа масофага учувчи ўқ отиб ўлдирилган. Бу ҳақда Ислом инқилоби қўриқчилари корпуси маълум қилди.

Хамас сиёсий бюроси раҳбари Ҳаниянинг ўлдирилиши Исроил томонидан АҚШ ҳукумати кўмагида режалаштирилган ва амалга оширилган, дейилади хабарда.

«Ҳамас сиёсий бюроси раҳбари Исмоил Ҳания меҳмонлар яшаган қароргоҳ ташқарисида оғирлиги тахминан 7 кг бўлган қисқа масофага учувчи каллакдан ўққа тутилиши натижасида ҳалок бўлди», — дея таъкидлади ИРҚ.

Хaния учун қасос, албатта, тўғри вақтда ва керакли жойда амалга оширилади, деб ишонтирди бирлик.