Хабиб Нурмагомедовнинг шахсийлаштирилган Mercedes автомобили шошилинч сотувга қўйилди
Mash telegram канали хабарига кўра, Ultimate Fighting Championship (UFC) собиқ чемпионининг Mercedes-Benz AMG GT автомобили зудлик билан 16 миллион рублга сотилмоқда. Сабаби, суд ижрочилари томонидан автомашинанинг мусодара қилиниши эҳтимоли.
Махачқалъалик спортчининг мухлиси икки йил олдин машина сотиб олган ва уни ўзи учун махсус рўйхатдан ўтказмаган. Бироқ бир ой олдин Хабиб Нурмагомедовнинг 79,4 миллион рубль қарзи туфайли Россиядан чиқиб кетиши тақиқланган, суд ижрочилари эса унинг мол-мулкини ҳибсга олиш ва сотиш учун қидириш жараёнини бошлаб юборишган.
Машинани йўқотишдан қўрқиб, ҳозирги эгаси уни зудлик билан 20 миллион рублга сотишга қарор қилди ва кейин нархини 16 миллионга туширди. Эркак машинасини Махачқалъадаги уч хонали ёки Москвадаги бир хонали квартирага алмаштириш имкониятини ҳам кўриб чиқмоқда.
