WhatsApp Андроид учун экран алмашиш функциясини тайёрламоқда

WhatsApp Андроид қурилмалари учун мессенжерда қўнғироқлар вақтида экран алмашиш функциясини ўз ичига олган янгиланишни синовдан ўтказмоқда, деб хабар беради WABetaInfo портали .

WhatsApp экранни алмашиш функциясини ҳамда пастки навигация панелидаги янги ёрлиқлар тартибини чиқаради.

Экранни алмашиш функцияси қўнғироқ пайтида панелда жойлашади ва фойдаланилганда қўнғироқнинг бошқа иштирокчилари фойдаланувчи экранини кўришлари мумкин бўлади.

Қайд этилишича, ушбу функция иштирокчилар сони кўп бўлган гуруҳ қўнғироқлари учун, шунингдек, Андроидънинг эски версияларига эга фойдаланувчилар учун ишламаслиги мумкин.

Шунингдек, Андроидъдаги WhatsApp 2.23.11.19 версиясига янгиланганда мессенжернинг пастки навигация панелидаги ёрлиқлар тартибида ўзгаришлар бўлиши қўшимча қилинади.

Айни пайтда, портал тушунтирганидек, янгиланишнинг бета-версияси синовдан ўтказилмоқда ва яқин кунларда ундан кўпроқ фойдаланувчилар фойдаланиши мумкин бўлади.