Вобкентда каналга тушиб кетган "Cobalt" автомобили бўйича маълумот берилди
Ижтимоий тармоқда тарқалган Вобкент туманида "Cobalt" автомобили каналга тушиб кетганлиги бўйича Ўзбекистон Республикаси Ички ишлар вазирлиги Йўл ҳаракати хавфсизлиги Бош бошқармаси расмий маълумот берди.
2021 йил 26 декабрь куни, Бухоро вилояти, Вобкент тумани ФВБга келиб тушган хабарга кўра, шу куни соат 07:00 ларда ҳайдовчи, 1997 йилда туғилган И.Х. "Cobalt" русумли автомобилда ҳаракатланаётиб, руль бошкарувини йўқотиши оқибатида туман ҳудудидан ўтувчи "Шохруд" каналига тушиб кетган.
Ҳодиса оқибатида тан жароҳати олган ва ҳалок бўлган фуқаролар йўқ.
Воқеа жойига зудлик билан туман ФВБ қутқарувчилари ва тегишли хизмат ходимлари етиб келган. Махсус техника ёрдамида транспорт воситаси каналдан олиб чиқилган.
Барча ҳайдовчилардан йўлларда эҳтиёткор бўлиб, қоидаларга риоя қилишларини сўраймиз.
