Ўзбекистонлик миллиардер “Йил ҳомийси” мукофотига сазовор бўлди

Иқтисод / Бизнес / Хориж
A A A
Ўзбекистонлик миллиардер “Йил ҳомийси” мукофотига сазовор бўлди

Асли ўзбекистонлик бўлган қозоғистонлик миллиардер Фаттоҳ Шодиев Россияда “Йил ҳомийси” мукофотига сазовор деб топилди. Бу ҳақда МГИМО университетнинг сайтида хабар қилинди.

Мукофотни топшириш маросими Санкт-Петербургдаги VII Халқаро маданият форуми доирасида бўлиб ўтган. Мукофотни Шодиевга Россия маданият вазири Владимир Мединский топширган.

Мукофот Россиядаги Кабуки театри труппаси гастролларига бош ҳомийлик қилганлиги учун берилган.

“Йил ҳомийси” мукофоти Россия Маданият вазирлиги томонидан таъсис этилган, илк тақдимоти 2014 йили бўлиб ўтган. Мукофотдан кўзланган асосий мақсад — Россия ҳудудида корхона, муассаса, ташкилотлар, шунингдек, жисмоний шахсларнинг маданият ва санъат соҳасидаги хайрия ва ҳомийлик фаолиятини фаоллаштиришдан иборат.

Миллиардер  Алишер Усмонов ҳам 2015 йилда Россияда “Йил ҳомийси” деб топилган эди.

 

Киритилди: 14:47 18.11.2019. Ўқилди: 2957 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!