Ўзбекистонда об-ҳаво совиб кетади
Келаётган кунларда республиканинг чекка шимолий ҳудудларига Қозоғистон ҳудудидан бироз нам ва нисбатан совуқ ҳаво массалари кира бошлайди.
Тошкент вилояти ва Фарғона водийсида 30-31 март ва 1 апрель кунлари баъзи жойларда нисбатан беқарор об-ҳаво кутилмоқда, қисқа муддатли ёмғир ёғиши мумкин. Фақат 31 март куни Жиззах ва Сирдарё вилоятларида кучсиз ёмғир ёғиши мумкин.
2 апрель куни кам булутли ва қуруқ об-ҳаво бутун республика ҳудудини эгаллайди.
Март ойининг сўнгги кунларида ва апрель ойининг биринчи кунларида ҳаво ҳарорати кечаси 0...+5 даража илиқ атрофида бўлади. 30-31 март ва 1 апрель куни кундузи ҳаво ҳарорати бироз салқин бўлиб, +7...+10 даража илиқ атрофида бўлади.
2 апрелда илиқ ҳаво массалари кириб келади ва кундузи ҳарорат +14...17 даража илиқгача кўтарилади.
Тошкент ва Наманган вилоятларининг 1600 метрдан юқори бўлган тоғли ҳудудларида қор кўчиши хавфи мавжуд.
