Ўзбекистонда "Ҳалол" сертификатига эга колбаса ва консерва маҳсулотлари ишлаб чиқарилиши мумкин
Ўзбекистон элчиси Амирсаид Агзамходжаев Польшанинг "Łuków" гўшт комбинати раҳбари Артур Осиак билан учрашув ўтказди, деб хабар қилмоқда "Дунё" АА мухбири.
Тадбирда ўзбекистонлик тадбиркор "Al-Af" МЧЖ раҳбари Вохид Эрматов ҳам иштирок этди.
Мулоқот чоғида Ўзбекистонда озиқ-овқат соҳасида инвестициявий лойиҳаларини амалга ошириш имконияти муҳокама қилинди.
Музокаралар якунида "Łuków" замонавий технологиялари асосида "Al-Af" МЧЖда "Ҳалол" эга сертификатига колбаса ва консерва маҳсулотларини ишлаб чиқариш, Ўзбекистондан шиша идишларни экспорт қилиш ҳамда комбинатга мамлакатимиз фуқароларини ишга жалб қилиш тўғрисида келишувларга эришилди.
Ўзбекистон дипломатик миссияси ходимлари, шунингдек, ушбу компанияда меҳнат қилаётган Ўзбекистон фуқароларининг иш ва яшаш шароитларини кўздан кечиришди.
"Łuków" компанияси 1973 йилда ташкил этилган. Корхона Польшадаги энг йирик колбаса ва консерва маҳсулотлари ишлаб чиқарувчилардан бири ҳисобланади.
