Ўзбекистон ва Тожикистон ОТМ ўртасида 30 га яқин ҳужжат имзоланди

Ўзбекистон-Тожикистон ректорлар 1-форуми доирасида икки давлат олий ўқув юртлари ўртасида 30 га яқин битим, англашув меморадуми ва йўл хариталари имзоланди.

Уларда Тожикистон олий ўқув юртлари билан кимё технология, энергетика, машинасозлик, саноат технологияси, биотехнология, ирригация ва сув ресурслари, қишлоқ хўжалиги, тиббиёт, фармакология, фармацевтика каби соҳаларда ҳамкорликни йўлга қўйиш ва ривожлантириш кўзда тутилган.

Маълумот ўрнида, бугунги кунга қадар икки давлат олий таълим муассасалари ўртасида ҳамкорлик бўйича 65 дан ортиқ шартнома ва меморандум мавжуд. Айни пайтда юртимизнинг 5 та олий ўқув юртида таълим тожик тилида олиб бориладиган мактаб, лицей ва олий ўқув юртлари учун кадрлар тайёрланмоқда.