“Ўзбекистон темир йўллари”га ишга кириш 2400 долларми?

Жорий йилнинг 4 июнь куни Қамаши тумани “Янги” қишлоғида яшовчи К.Ж. Қашқадарё вилояти ИИБ Транспортда ХТБ бошлиғи номига ариза билан мурожаат қилиб, мурожаатида, Қамаши тумани Транспорт бўлимида ишловчи “Қ.Ш.” исмли шахс “Ўзбекистон темир йўллари” АЖ Ҳарбийлаштирилган қўриқлаш отрядига ишга киргизишни ваъда қилиб, эвазига 2.400 АҚШ доллари сўраётганлигини билдирган.

Аризага мувофиқ тезкор ходимлар томонидан ўтказилган “Назорат остида олиш” тезкор тадбирида шартли харидор сифатида иштирок этган К.Ж.дан Қамаши темир йўл бекатининг 77 кмда темир йўл кесишмасининг ёнида жойлашган “Ҳунарманд” савдо мажмуаси атрофида 1965 й.т. Қамаши тумани Лойқасой қишлоғида яшовчи Қ.Ш. олдиндан келишиб олинган 2.400 АҚШ доллари миқдорида пул ва шартли харидорга тегишли фуқаролик паспорти ҳамда ҳарбий гувоҳномани олган вақтида тезкор ходимлар томонидан қўлга олинган ва ҳужжатлаштирилган.

Ушбу ҳолат юзасидан Транспортда ХТБ томонидан Жиноят кодексининг 168-моддаси 2 - қисми “а” банди билан жиноят иши қўзғатилиб, тергов ҳаракатлари олиб борилмоқда.