Ўзбекистон – Саудия Арабистони учрашуви чипталари 15 мингдан 35 минг сўмгача

Ўзбекистон – Саудия Арабистони учрашуви чипталари 15 мингдан 35 минг сўмгача

Хабарингиз бор, 14 ноябрь куни Ўзбекистон миллий терма жамоаси Жаҳон чемпионати саралаши доирасида ўз майдонида Саудия Арабистони билан баҳс олиб боради.

Олдинроқ хабар берганимиздек, чипталар олди-сотдиси жараёнини тартибга солиш, чипталарнинг олиб-сотарлар қўлида қайтадан сотилишининг олдини олиш, қолаверса мухлислар учун қўшимча қулайликлар яратиш ва бу орқали чипталарнинг шаффоф савдосини таъминлаш мақсадида Ўзбекистон футбол ассоциацияси iticket.uz чипталар оператори билан ҳамкорликни йўлга қўйган.  Натижада iticket.uz миллий терма жамоа ўйини чипталари савдосини тўлиқ ҳажмда амалга оширади.

Ўзбекистон – Саудия Арабистони учрашуви чипталари сотувга чиқарилди. Ишқибозлар эндиликда вақтларини кетказмай, стадион кассаларида узундан-узун навбатларда турмасдан, уйдан чиқмаган ҳолда ҳам электрон шаклда чипталар ҳарид қилишлари мумкин.

Айни пайтда мухлислар мазкур учрашув чипталарини iticket.uz сайтида 3 хил тоифада ҳарид қилишлари мумкин:

1-тоифа – 15 000 сўм;

2-тоифа – 25 000 сўм;

CIP – 35 000 сўм. 

Чипта бўйича батафсил маълумотни iticket.uz сайтидан олишингиз мумкин.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади, ва телефон ракамни тасдиклаш керак булади!