Ўқимаган миллиардерлар

Кўпчилик бой бўлиш сирларини қуйидагича тасаввур қилади: мактаб - ОТМ - иш - ойлик. Лекин бу ҳар доим ҳам ўзини оқламаган. Тарихда бир қанча далиллар бор.

Қуйида олий маълумотга эга бўлмаган, ўқимаган ёки ўқишини ярим йўлда ташлаб кетган, лекин дунёнинг энг бой одамлари қаторига кирган миллиардерлар ТОП-10лигини (суратда) келтирамиз.

10. Ингвар Кампрад — IKEA мебель компанияси асосчиси. У дислексия сабабли мактабда ўқий олмаган, шунинг учун университетга уриниб ҳам кўрмаган. 1948 йилда арзон мебель савдоси билан иш бошлаган. 1950 йилларда илк заводини очган, 3 йил ўтиб, IKEA номли биринчи дўконини ишга туширган.

9. Ричард Брэнсон — британиялик тадбиркор, Virgin Group корпорацияси асосчиси. Бу корпорация таркибига 400 дан ортиқ турли соҳадаги компаниялар киради. Брэнсон ҳам ўқимаган.

8. Стив Жобс — бу одамни бутун дунё билади, Apple асосчиси. Уни ҳатто коллеждан ҳайдаб юборишган. Лекин, кўриб турганингиздек, қисқа умри давомида дунёни ўзгартириб юборган.

7. Роман Абрамович — "Челси" клуби хўжайини. 1983 йилда у саноат институтига кирган, аммо ўқишни ташлаб кетган. Олий маълумоти бўлмаса ҳам, Абрамович 2000 йилда Чукотка губернатори бўлган.

6. Майкл Делл — Dell компьютерлари асосчиси. У ёшлигидан компьютерларга қизиққан. Ўзи ясаган компьютерлардан топган пулларини деб Техас университетидаги ўқишини 1-курсдаёқ ташлаб кетган. Ва Dell Computer Corporation корпорациясига асос солган.

5. Марк Цукерберг — ҳамма билади, Facebook асосчиси. У дунёга машҳур Гарвард университетига кирган, лекин тугатмасдан олдин ташлаб кетган. Чунки у ўша пайтдаёқ Facebook ортидан 4 млрд. доллар топиб қўйганди.

4. Ли Кашин — осиёлик бизнесмен ва инвестор. У пулларини жуда кўп соҳаларга тиккан. Уларнинг орасида Facebook, Siri, биткоин тўловлар ва бошқалар ҳам бор. Ва албатта, олий маълумотга эга эмас.

3. Ларри Элисон — Oracle Corporation асосчиси. У ўқишга 2 марта ҳаракат қилиб кўрган, аммо эплолмаган. Кейин эса маълумотлар базасини бошқариш тизимини яратиб, бизнесини бошлаган. 10 йил ўтар-ўтмас, Forbes саҳифасидан жой олган.

2. Билл Гейтс — Microsoft компанияси асосчиси, ҳамма танийди. У ҳам 1973 йилда машҳур Гарвардга ўқишга кирган, аммо бахтига уни ҳайдаб юборишган. Шу тариқа у ўз бизнесига вақт ажратган ва миллиардерга айланган. Аммо Гарвард университети раҳбарияти унга диплом беришга қарор қилган, фақат 2007 йилда.

1. Генри Форд — Форд машиналари асосчиси. Фермер оиласидан чиққан қаҳрамонимиз қишлоқда механик бўлиб иш бошлаган. 38 ёшида шериги билан Henry Ford компаниясини очган, аммо Форд у ердан кетган, компания номи эса Cadillac деб ўзгарган. Ниҳоят 40 ёшида Форд уни дунёга танитган Ford Motor Company’га асос солган

Хулоса ўрнида: бу одамлар кўп ўқишни эмас, нимани ўқишни билишган. Шунинг учун ҳам таваккалчиликдан қўрқмаган. Бу эса уларга катта муваффақият олиб келган.