"Уммон"чи Зоҳиднинг автоҳалокатга учрагани бўйича расмий маълумот берилди

Авто / Биласизми? / Юртимизда
A A A
"Уммон"чи Зоҳиднинг автоҳалокатга учрагани бўйича расмий маълумот берилди

Тошкентда BMW ЙТҲга учрагани, ҳайдовчи машҳур қўшиқчи Зоҳид экани айтилганди. Шаҳар ички ишлар бош бошқармаси ҳолат юзасидан маълумот берди.

Таъкидланишича, 29 сентябрь куни тахминан соат 23:00 да 1990 йилда туғилган З.Р. ўз бошқарувидаги BMW русумли (давлат рақам белгиси 01 Н 806 ҲА) транспорт воситасида Аҳмад Дониш кўчасидан Янгишаҳар кўчасига қараб ҳаракатланаётганда рул бошқарувини йўқотиб, йўл-транспорт ҳодисасини содир этган.

Оқибатда транспорт воситаси ҳайдовчиси ва йўловчилари — 1995 йилда туғилган Ж.I. ҳамда 1996 йилда туғилган Ж.Й. касалхонага ётқизилган. 1994 йилда туғилган Х.С. воқеа жойида вафот этган.

Ҳодиса юзасидан шаҳар ИИББ тергов бошқармаси томонидан Жиноят кодексининг 266-моддаси 2-қисми билан жиноят иши қўзгатилди. Тергов ҳаракатлари олиб борилмоқда.

Киритилди: 00:59 30.09.2022. Ўқилди: 11649 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!