Ўгай онасини ўлдириб, ёқиб юборганликда айбланган эркак қўлга олинди
Россияда терговчилар ўзининг кекса ўгай онасини ўлдиришда ва ёқиб юборишда айбланган кубанлик фуқарога нисбатан жиноий иш қўзғатди. Бу ҳақда «РИА Новости» хабар бермоқда.
“42 ёшли маҳаллий фуқарога нисбатан жиноят иши қўзғатилган. У 72 ёшли ўгай онани ўлдиришда гумон қилинмоқда", — дейилади хабарда.
Тергов маълумотларига кўра, пайшанбага ўтар кечаси судланувчи Кубаннинг Воронежская қишлоғидаги ўгай онасининг уйига келган. Судланувчининг сўзларига кўра, улар жанжаллашган. Эркак ўгай онасини бўғиб ўлдирган, сўнг унинг уйига ўт қўйиб, чиқиб кетган. Марҳумнинг қўшнилари ёнғинни кўриб, ўт ўчириш бўлимига қўнғироқ қилган. Ёнғинни аниқлашдан сўнг уйда аёлнинг жасади топилган.
Ҳозирда гумонланувчи ҳибсда. Унга нисбатан суд-психологик-психиатрия экспертизаси ўтказилади. Жиноят юзасидан тергов ҳаракатлари давом этмоқда.
