Тошкентда ёз: қандай, қаерда ва қанча пул ишласа бўлади?

Кўпчилик учун ёз — бу дам олиш, баъзилар учун эса мавсумий иш топиш, буджет ва касбий маҳорат учун самарали вақт сарфлаш имкониятидир. Пойтахтдаги ваканциялар, хусусан, онлайн бозор ишсизлар ва талабалар учун таклифларга бой. Булар жамоат овқатланиш, қурилиш, таълим, кўнгил очар, авто, гўзаллик, маркетинг, маъмурият, курьер етказиб бериш, онлайн ярим кунлик иш ва бошқа соҳалардир.

Ёзги ярим кунлик ишни қандай топиш мумкин?

Вақтинчалик иш қидириш вариантлари, иш берувчиларнинг таклифлари сингари жуда кўп: «сарафан радиоси» дан (бизнинг одамлар уни «таниш-билиш» деб атайди) вақт ва тажриба билан тасдиқланган ваканциялар бозорларигача. Бу онлайн платформалар, масалан, OLX.uz, hh.uz ва бошқалар. Ўзбекистоннинг барча ҳудудларида, шу жумладан, Тошкентда очиқ эшиклар куни ёки ваканциялар ярмаркалари мунтазам равишда офлайн режимда ўтказилади, унда абитуриентлар турли компаниялар - хусусий, давлат ёки хорижий компанияларнинг таклифлари билан танишиб чиқишлари мумкин. Ва шунингдек, ярим кунлик иш қидириш варианти сифатида ижтимоий бандлик марказларини кўриб чиқиш мумкин. У ерда сизнинг сўровларингиз, касбий кўникмаларингиз ёки ижтимоий мавқеингиз асосида сизга фаолиятнинг турли соҳаларида ваканциялар таклиф қилиниши мумкин.

ОLX таҳлилчиларининг баҳосига кўра, турли ёшдаги иш изловчиларнинг аксарияти ишончли Интернет платформалари орқали вақтинчалик ёки доимий иш топишни афзал кўришади. Уларнинг фикрига кўра, бу усул вақт ва кучни тежаш билан оқланади. Афзалликларидан бири, шунингдек, тезкор маълумотлар олишдир - ваканциялар, номзодга қўйиладиган талаблар, иш ҳақи, иш вақти, иш берувчи (компания ёки хусусий шахс) тўғрисидаги маълумотлар.

«Иш» тоифаси Интернет фойдаланувчилари учун энг кўп талаб қилинадиган тоифалардан бири бўлган olx.uz сайтининг иш бозори мисолида, 2022, 2023 ва 2024 йиллардаги ёзги даврлар учун таклиф қилинган ярим кунлик ишларнинг таҳлили ўтказилди.

Уч йил ичида, реклама берувчиларнинг эълонлари сони ва фойдаланувчиларнинг фикр-мулоҳазалари сонига кўра, электрчи, сартарош, официант, уста / ёрдамчи, бармен / бариста, педагог / репетитор, фаррош / идиш ювувчи, тиббиёт ходими, пайвандчи, дизайнер / видеомонтажчи, шеф-ошпаз / ошпаз, бўёқчи-сувоқчи, ҳайдовчи, курьер, сотувчи-консультант, cалл-марказ оператори, савдо менежери, тикувчи ва бошқа мутахассислар устунлик қилмоқда.

Ўтган ва ундан олдинги ва жорий йиллар учун ўртача иш ҳақи (соатлик, сменали, иш ҳажмига қараб ёки ойлик) миқдори маълум бир ваканциянинг долзарблиги, унга бўлган талаб, иш берувчи компаниянинг обрўси, шунингдек ходимнинг касбий тажрибасига асосланган ҳолда ошди.

Шундай қилиб, қурилиш соҳасида тўлов 25,5 минг сўмдан 2,4 миллион сўмгача, сервис/уй юмушлари/клининг 170-290 минг сўмни таклиф этади, уй ходимларининг иши 115 минг сўмдан 1,5 миллион сўмгача, чакана савдо — 70 минг сўмдан 4,4 миллион сўмгача баҳоланади.

Бар/ресторанлар 50 минг сўмдан 3,2 млн сўмгача, ишлаб чиқариш/энергетика соҳасида 600 минг сўмдан 10 млн сўмгача, таълим соҳаси 65 минг сўмдан 5,3 млн сўмгача ҳақ тўлашга тайёр.

Транспорт/логистика/омбор ходимларга 1-7,5 млн сўм, маркетинг/реклама/дизайнда - 600 минг сўмдан 11,5 млн сўмгача ҳақ тўланади.

IT/телеком/компьютер мутахассислари иши учун 40 минг сўмдан 5,5 млн сўмгача ҳақ тўланади.

Туризм/меҳмонхона бизнеси/ўйин-кулгида 75 минг сўмдан 4,9 млн сўмгача, гўзаллик/фитнес/спорт соҳасида 40 минг сўмдан 7,2 млн сўмгача пул ишлаш мумкин.

Ҳуқуқшунослик/бухгалтерия ҳисоби/молия соҳасида иш ҳақи 1,1-1,5 млн сўм, менежмент/кадрлар бошқаруви/HR/офис 1,7-2,9 млн сўм, тиббиёт/фармация - 50 минг сўмдан 3,7 млн сўмгача баҳоланади.

Автосервислар ходимларига 315 мингдан 3 млн сўмгача, қўриқлаш/хавфсизликда эса 700 минг сўмдан 1,8 млн сўмгача таклиф этилади.