Тошкентда Lacetti йўл четида турган олти нафар пиёдани босиб кетди, уларнинг икки нафари вафот этган

Жорий йил 4 декабр куни тахминан соат 06:15 ларда Учтепа тумани Фарҳод кўчаси 2-уй рўпарасида 1996 йилда туғилган Р.И. бошқарувидаги давлат рақами 01 О 992 DA бўлган Lacetti русумли автомашинани бошқариб кетаётиб йўл-транспорт ҳодисасини содир этган.

Яъни 1982 й.т. А.А. бошқарувидаги давлат рақами 01 Р 918 VB бўлган Nexia-3 русумли автомашина билан тўқнашиб, олти нафар пиёдани ҳам уриб юборган, сўнг йўл четида ҳаракатсиз турган 1995 й.т. М.В. бошқарувидаги давлат рақами 01 J 658 NA бўлган Matiz русумли автомашина билан тўқнашган.

ЙТҲ натижасида Lacetti ҳайдовчиси ҳамда тўрт нафар пиёда (1974 й.т. Н.С., 1986 й.т. М.У., 1987 й.т. Ю.Ш., 1994 й.т. Э.М.) турли даражадаги тан жароҳатлари билан РШТЁИМга ётқизилган.

Икки нафар пиёда (1960 й.т. Қ.Х., 1982 й.т. Г.Ф.) олган тан жароҳатлари натижасида вафот этган.

Унутманг, сизнинг биргина хатоингиз бошқаларнинг ҳаётига ҳам нуқта қўйиши мумкин.