Тошкентда ҳилпираган СССР байроғи ҳақида: "Бу провокация, прокуратура жавоб бериши керак"

Ўзбекистон “Миллий тикланиш” демократик партияси куни кеча Тошкент Истиқлол саройи олдида ташкил этилган беғараз концерт дастурида йўл қўйилган ғаразли провокацияни кескин қоралайди. 

Биз санъатга қарши эмасмиз, санъатни сиёсатга қурол қилинишига қаршимиз. 

Тараққийпарвар ўзбек зиёлилари ва оқкўнгил аждодларимизнинг қонига бўялган босқинчи совет давлати байроғини мамлакатимиз пойтахтининг қоқ марказида баланд кўтарилишини ўзбек халқига нисбатан ҳақорат деб ҳисоблаймиз. 

Бош Прокуратурадан бу провокацияга тегишли баҳо берилишини кутиб қоламиз.

Алишер Қодиров, "Миллий тикланиш" демократик партияси раиси