Тоқаев: Қозоғистон ДХР ва ЛХРни тан олмайди

Санкт-Петербург халқаро иқтисодий форуми чоғида Маргарита Симонян Қозоғистон президенти Қосим-Жўмарт Тоқаевга Донбасс республикаларини алоҳида мамлакат сифатида тан олиш имкониятлари ҳақида сўради.

"Халқларнинг ўз тақдирини ўзи белгилаш ҳуқуқи рўёбга чиқса, ер юзида 193 та давлат ўрнига 500-600 дан ортиқ давлат пайдо бўлади. Бу эса тартибсизликка олиб келади. Шу сабабдан биз на Тайванни, на Косово, на Жанубий Осетия ёки Абхазияни тан олмаймиз. Худди шу тамойил Донецк ва Луганск каби квази-давлат ҳудудларга нисбатан ҳам қўлланилади", — дея жавоб берди Токаев унга.

Тоқаев, шунингдек, Қозоғистон Украинанинг ЕИга қабул қилинишига қарши эмаслигини билдирди.