Толиблар Тожикистон билан чегарадош вилоятга минглаб жангчиларини юборди

Толиблар Тожикистон билан чегарадаги Тахор вилоятига минглаб махсус хизмат жангчиларини юборди. Бу ҳақда радикал ҳаракат вакили Забиуллоҳ Мужоҳид маълум қилди.
“Ўнлаб Ислом амирлиги махсус хизмат бўлинмалари () Тахорда жойлаштирилди... ўн минглаб махсус хизматчилар жойлаштирилди”, - дея ёзган Мужоҳид Twitterʼда.
Dozens of special forces of the Islamic Emirate's Mansoori Army were deployed in Takhar to eliminate security and other potential threats.
Tens of thousands of special forces from
"Lashkar-e-Mansoori Islamic Emirate" were deployed to remove potential security threats & other pic.twitter.com/9OGFuCgzK7

— Zabihullah Mujahid (@Zabihullah_M3) September 25, 2021
Унинг сўзларига кўра, бундай чора хавфсизлик таҳдидини бартараф этишга қаратилган.
Афғонистондаги вазият
Август ойи бошида толиблар Афғонистон ҳукумат кучларига ҳужумларни фаоллаштирган эдилар, 15 август куни улар Кобулга кириб боришди ва эртаси куни уруш тугаганини эълон қилишди. Август ойининг охирги икки ҳафтасида америка ҳарбийлари қўриғида бўлган Кобул аэропортидан Ғарб мамлакатлари ва улар билан ҳамкорлик қилган афғонларнинг оммавий эвакуацияси амалга оширилди.

31 августга ўтар кечаси америкалик ҳарбийлар Кобул аэропортини тарк этишди, бу билан АҚШнинг Афғонистондаги 20 йиллик фаолиятига чек қўйилди. 6 сентябрь куни толиблар жанглардан сўнг 34 афғон вилоятининг энг сўнггиси - Панжшер улар назоратига ўтгани ҳақида баёнот берди.
Эртаси куни Афғонистон муваққат ҳукумати таркиби эълон қилинди. “Толибон”*нинг биринчи ҳукмронлиги вақтида ТИВ раҳбари курсисини эгаллаган ва 2001 йилдан буён БМТ санкциялари остида қолиб келаётган Муҳаммад Ҳасан Охунд муваққат ҳукумат раҳбари этиб тайинланди.