Тиббиёт олийгоҳи талабалари ва тиббиёт ходимларига ҳар ойда 10 миллион сўмгача устама тўланади

A A A
Тиббиёт олийгоҳи талабалари ва тиббиёт ходимларига ҳар ойда 10 миллион сўмгача устама тўланади

Аввал хабар қилганимиздек, “Тиббий-санитария соҳасида кадрларни тайёрлаш ва узлуксиз касбий ривожлантиришнинг мутлақо янги тизимини жорий этиш чора-тадбирлари тўғрисида“ги Ўзбекистон Республикаси Президенти Қарори имзоланди.

Унга мувофиқ, 2020/2021 ўқув йилидан бошлаб:

— чет тилини билиш даражаси тўғрисидаги халқаро сертификатга эга бўлган тиббиёт ОТМ талабалари стипендиясига қўшимча равишда 428 минг сўм миқдорида устама тўланади;

— халқаро рейтингларда тиббиёт йўналиши бўйича Топ-200 таликка кирган ОТМларнинг клиник ординатура (резидентура) ва магистратура мутахассислигини тамомлаган давлат тиббиёт муассасалари ходимларига қўшимча 4,7 миллион сўм ҳар ойлик устама тўланади;

— фалсафа доктори ёки фан доктори илмий даражасини олган ходимларга давлат тиббиёт муассасаларида қўшимча 10 миллион сўм ҳар ойлик устама тўланади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Фикр билдириш учун қайдномадан ўтишингиз сўралади ва телефон ракамни тасдиклаш керак булади!