Техник жиҳатдан тартибга солиш агентлиги раҳбарига ўринбосарлар тайинланди
Вазирлар Маҳкамасининг тегишли қарори билан Техник жиҳатдан тартибга солиш агентлигида янги тайинловлар амалга оширилди. Бу ҳақда бош вазир матбуот котиби Бекзод Ҳидоятов хабар берди.
Абдурауф Абдуқаюмов Ўзбекистон техник жиҳатдан тартибга солиш агентлиги директори биринчи ўринбосари этиб тайинланди. Бунга қадар 2022 йилнинг февралидан буён агентлик директори ўринбосари бўлган.
Одилжон Тохиров Ўзбекистон техник жиҳатдан тартибга солиш агентлиги директори ўринбосари бўлди. Тайинловдан аввал агентликда Мувофиқликни баҳолаш ва сифат тизимларини жорий этиш бошқармаси бошлиғи бўлган.
Азамат Абдураҳмонов Ўзбекистон техник жиҳатдан тартибга солиш агентлиги Техник жиҳатдан тартибга солиш соҳасида назорат инспекцияси бошлиғи этиб тайинланди.
Маълумот учун, Инвестициялар ва ташқи савдо вазирлиги ҳузуридаги Техник жиҳатдан тартибга солиш агентлиги президентнинг 2024 йил 27 февралдаги қарорига асосан Вазирлар Маҳкамаси идоравий бўйсунишига ўтказилганди. Февраль ойи охирларида агентлик директори этиб энергетика вазири ўринбосари лавозимида ишлаб келган Акмал Жуманазаров тайинланди.
