Тележурналист Рамина Ягафарова Тошкентдаги хусусий клиникалардан бирида вафот этди

Тележурналист Рамина Ягафарова 31 ёшида Тошкентда вафот этди. Бу ҳақда Бош прокуратура матбуот хизматига таяниб repost.uz маълум қилди.

Манбага кўра, 12 сентябрь куни Ягафарова Чилонзор туманида жойлашган ДОCТОР СЕРВИС хусусий клиникасига онасини кўргани келган. Журналистда антибиотик левофлоксацин бор эди, у томоқ оғриғи туфайли буни орттириб олганди. Бир мунча вақт ўтгач, унда тутқаноқ бошланган ва ҳушини йўқотган.

Ягафаровага биринчи тиббий ёрдам кўрсатилиб, жонлантириш бўлимига ётқизилган. Муолажалардан сўнг у ҳушига келган ва аҳволи яхшиланган. Аммо эртаси куни журналистда яна тутқаноқ тутган. Кўрсатилган ёрдамга қарамай, у соат 17:50да вафот этди.

Суд-тиббий экспертиза хулосасига кўра, ўлим левофлоксацинга аллергик реаксия, бош мия ва ўпканинг ўткир шишиши, ўткир респиратор ва юрак-қон томир етишмовчилиги, анафилактик шок натижасида содир бўлган.

Ҳозирда мазкур ҳолат юзасидан Чилонзор туман прокуратураси томонидан терговга қадар текширув ҳаракатлари олиб борилмоқда.

Рамина Ягафарова “Дунё бўйлаб” телеканалида ишлаган. Вояга етмаган ўғли бор.