Starlink йўлдош интернет-тармоғи сайёрамизнинг барча қитъасини қамраб олди
Американинг SpaceX компаниясига қарашли Starlink йўлдош интернет-тармоғи сайёрамизнинг барча қитъасини қамраб олди, деб маълум қилди Илон Маск ўзининг ижтимоий тармоқдаги саҳифасида.
"Starlink энди барча қитъада, жумладан, Антарктида ҳам ишлаяпти", – дейилади хабарда. Аввалроқ миллиардер Илон Маск Американинг SpaceX коинот компанияси 54 та Starlink йўлдошини орбитага чиқаргани ҳақида хабарни тарқатган эди.
Starlink – келгуси авлод йўлдош тармоқ бўлиб, сайёрамизнинг исталган жойидан интернетга кенг полосали уланиш имконини беради. SpaceX компанияси ушбу лойиҳани 2018 йил февралда ҳаётга жорий қила бошлаган эди. Даставвал Starlink йўлдошлари 12 мингта аппаратдан иборат бўлади, дейилганди. 2019 йилда компания яна 30 мингта аппарат учиришга буюртма берган.
