Сотувдан тушган маблағлар ундирувлар навбати бўйича тўланади

Амударё тумани иқтисодий судининг 10.02.2020 йилги қарорига асосан қарздор “Амударё йўллардан фойдаланиш” унитар корхонасидан ундирувчи “Шоббоз қурилиш таъмир” МЧЖ фойдасига 174 млн. 629,6 минг сўм қарз, 13 млн. 970,4 минг сўм пеня, иш бўйича тўланган 2 млн. 619,4 минг сўм давлат божи ва почта ҳаражатини ундириш тўғрисидаги ижро ҳужжати бўлим иш юритувига 19.02.2020 йилда келиб тушган ва шу куни ижро иши юритуви қўзғатилган.

Ижро ҳаракатлари давомида, 04.06.2020 йилда 2.100.000 сўм, 05.06.2020 йилда 10.000.000 сўм, 10.09.2020 йилда 313.255 сўм, 08.05.2020 йилда 4.900.000 сўм, 27.08.2020 йилда 1.724.745 сўм қисман ундирилиб ундирувчи “Шоббоз қурилиш таъмир” МЧЖ ҳисоб рақамига ўтказиб берилган.

Шунингдек, қарздордан 17.08.2021 йил куни 13.000.000 сўм ундирилган ва ундирувчи “Шоббоз қурилиш таъмир” МЧЖ ҳисоб рақамига йўналтирилган, лекин бугунги кунда ундирувчининг банк ҳисоб рақамлари ўзгариб кетганлиги сабабли ушбу маблағ Бюронинг депозит ҳисоб рақамига қайта келиб тушган.

Бундан ташқари, бўлим иш юритувида қарздор “Амударё тумани йўллардан фойдаланиш” унитар корхонасидан бошқа ундирувчилар билан боғлиқ жами 1,4 млрд. сўмлик 6 та ижро ҳужжатлари мавжуд бўлиб, ушбулар бўйича ҳам ижро ҳаракатлари олиб борилмоқда.

Жумладан, олиб борилган ижро ҳаракатлари натижасида, қарздорга тегишли бўлган иккита Нексия русумли автотранспорт воситаси ва “LW-321F” русумли автопогрузчиклари хатловга олиниб, ҳозирда электрон онлайн-аукцион савдо майдончасига чиқариш чоралари кўрилмоқда.

Мазкур автотранспорт воситалари сотилган тақдирда сотувдан тушган пул маблағлари “Суд ҳужжатлари ва бошқа органлар ҳужжатларини ижро этиш тўғрисида” Ўзбекистон Республикаси Қонунининг 80-моддасига асосан ундирувлар навбати билан тақсимланишини маълум қилинади.

Мажбурий ижро бюроси
Қорақалпоғистон Республикаси бошқармаси