Сноуден: Байден кўплаб маълумот тарқатувчиларга қараганда кўпроқ махфий ҳужжатларни олган
АҚШ президенти Жо Байден маълумотларни ошкор қилгани учун жазоланган кўплаб маълумот тарқатувчиларга қараганда кўпроқ махфий ҳужжатларни олган бўлиши мумкин. Бу фикрни НСА собиқ ходими Эдвард Сноуден билдирди.
“Таъкидлаш жоизки, президент кўплаб маълумот тарқатувчиларга қараганда кўпроқ махфий ҳужжатларни олганга ўхшайди”, — деб ёзди у твиттерда.
Таққослаш учун Сноуден АҚШда Миллий хавфсизлик агентлиги маълумотларини ошкор қилганликда айбланиб, “бир ҳужжат учун” беш йилга қамалган Реалитй Уиннер ишини келтирди.
“Айни пайтда, Байден, Трамп, Клинтон, Петреус... бу йигитларда ўнлаб, юзлаб (бундай ҳужжатлар) бор. Лекин қамоқ йўқ, - давом этди собиқ разведкачи.
Аслида, Байден ишидаги “ҳақиқий жанжал” унинг махфий ҳужжатларни олганида эмас, балки АҚШ Адлия вазирлиги ҳужжатларни оралиқ сайловлардан бир ҳафта олдин топиб, воқеани “бости-бости” қилишни танлагани, дея қўшимча қилди Сноуден.
