Сифати кафолатланмаган салқин ичимликларнинг ноқонуний айланмасига чек қўйилди
Давлат божхона қўмитасининг Контрабанда ва божхона қонунчилиги бузилишига қарши курашиш бошқармаси ходимлари Тошкент шаҳар Давлат солиқ бошқармаси ходимлари билан ҳамкорликда ўтказилган тезкор тадбир давомида сифати кафолатланмаган салқин ичимликларни ноқонуний айланмасига чек қўйишди.
Пойтахтимизнинг Шайхонтохур ва Учтепа туманларидаги улгуржи савдо дўконларида Ш.Р ва А.Д. томонидан хорижда ишлаб чиқарилган, республикамизга расман импорт қилинмаган, темир идишда қадоқланган машҳур бренддаги маҳсулотлар ва бошқа салқин ичимликлар истеъмолчиларга сотилаётганлиги аниқланди.
Текшириш давомида савдога қўйилган, кирим ҳужжатлари бўлмаган, умумий қиймати 64,5 млн. сўмлик 8621 дона 29 турдаги салқин ичимликлар ашёвий далил сифатида олинди.
Ҳозирда ушбу ҳолат юзасидан текширув ҳаракатлари давом эттирилмоқда
