Сауль «Канело» Альварес туркиялик рақибини 3-раунддаёқ техник нокаут эвазига мағлуб этди

АҚШнинг Майами (Флорида штати) шаҳрида Тошкент вақти билан 28 февраль тонгида профессионал бокс мусобақаси бўлиб ўтди.

Мусобақанинг асосий жангида супер ўрта вазн тоифасида WBC ва WBA Super чемпионлик камарлари соҳиби Сауль «Канело» Альварес туркиялик даъвогар Авни Йилдирим билан тўқнаш келди. Жангнинг бошиданоқ мексикалик Альварес ташаббусни қўлга олди. 1 ва 2-раундларда Сауль зарбалар сони ва фаоллик борасида ҳам Йилдиримга ҳеч қандай имконият қолдирмади. 3-раундда эса «Канело» рақибини чуқур нокдаун ҳолатига ҳам солиб қўйди. Нокдаун ҳолатидан сўнг ҳам Йилдирим кетма-кет зарбалар ўтказишда давом этди. 3-раунд якунига етгач туркиялик боксчининг мураббийлари спортчи жангни давом эттира олмаслигини маълум қилди.

Натижада Сауль «Канело» Альварес (55-1-2, 37 КО) 3-раундда техник нокаут эвазига ғалабани тантана қилди. Бу боксчи учун профессионал боксдаги 55-ғалабаси бўлди. Қайд этиш жоиз, Сауль бу жангларнинг 37 тасида рақибларини нокаут эвазига мағлуб этган.

29 ёшли Йилдирим (21-3, 12 КО) эса фаолиятидаги учинчи мағлубиятини қабул қилиб олди.