Саудия Арабистони Исроил делегациясига виза беришдан бош тортди
Саудия Арабистони БМТ Жаҳон сайёҳлик ташкилотининг Ал-Ула шаҳрида бўлиб ўтадиган конференциясига таклиф этилган Исроил делегацияси аъзоларига виза олиш учун аризаларни рад этди, деб хабар бермоқда Bloomberg.
Жалиладаги Кафр-Канна шаҳридан исроиллик кўчманчилар конференцияда 22 давлат вакиллари билан иштирок этишлари керак эди, аммо БМТнинг аъзо давлатларга тенг муносабатда бўлиш чақириғига ва Қироллик томонидан йирик туризмни ривожлантириш учун миллиардлаб маблағ сарфланишига қарамай, тегишли визаларни олмаган.
Саудия Арабистонидаги Ал-Ула ва Араб Исроилнинг Кафр Канна шаҳри БМТ томонидан йилнинг энг яхши қишлоқ туризм йўналишлари рўйхатига киритилиши учун танланган энг сара 32 та жой қаторига киради.
"Ушбу воқеага катта умидлар боғланган эди ва бизни унда иштирок этишимизга рухсат берилмагани ачинарли", деди Исроил мэри Закария Напсо.
“Исроил БМТ Жаҳон сайёҳлик ташкилоти ва унинг бошқа органларини кўрсатмаларини, жумладан, ташкилот фаолиятида давлатларнинг иштирокини таъминлашда тенг муносабатда бўлишга чақиради. Бундай ҳолда, ташкилот ушбу стандартларга жавоб бера олмади, бу ачинарли", дея хабар қолдирди Walla нашри.
Виза масаласи Саудия Арабистони Эрон билан узоқ йиллик узоқлашишдан сўнг муносабатларни тиклаётганини эълон қилганидан кейин пайдо бўлган. Исроил Бош вазири Бинямин Нетаняҳу Саудия Арабистони билан тўлиқ дипломатик алоқалар ўрнатишни, 2020 йилда АҚШ воситачилигида БАА ва Баҳрайн билан эришилган нормаллаштириш келишувларини кенгайтирмоқчи эканлигини айтди.
