Санкт-Петербургда йўқолган ўзбекистонлик аёл ва унинг ўғли қаерда эди?
Уч кун аввал Санкт-Петербургнинг Фрунзе туманида тўрт ойлик ўғли билан савдо марказига кетаётганида йўқолиб қолган ўзбекистонлик Сарвиноз Адизова волонтёрлар томонидан топилганди.
"Дарё"нинг ёзишича, Сарвиноз 31 октябрь куни ўғли билан бирга соғ-омон ҳолда топилган. Шу тарзда эндигина бошланган қидирув ишлари якунланди: волонтёрлар йўқолган она ва бола суратларини кўчаларга ёпиштириб чиққан, ижтимоий тармоқларга тарқатаётган эди.
«Рус тилида зўрға гапирадиган аёлга ҳеч қандай зарар етмаган. Унинг шунча кун қаерда юргани ҳозирча номаълум», — дейилади хабарда.
Полицияга аёл ва унинг фарзанди топилгани ҳақидаги расмий хабар ҳали етказилмаган.
Санкт-Петербург ички ишлар органларида улар ҳалигача бедарак йўқолганлар рўйхатида.
Ўзбекистонлик 32 ёшли эркак 29 октябрь куни рафиқаси ва ўғли йўқолиб қолгани ҳақида хабар берган эди.
