Sаmsung Элеcтрониcс ходимлари компания тарихида биринчи марта иш ташлаш эълон қилди

Жанубий Кореянинг Samsung Элеcтрониcс ходимлари компаниянинг 55 йиллик тарихида биринчи марта иш ташлаш ўтказган. Бу ҳақда Reauters хабар бермоқда.

Маълум бўлишича, 2024 йил 7 июнь куни Жанубий Кореянинг энг йирик иш берувчилардан бири бўлган Samsung Элеcтрониcс касаба уюшмаси иш ташлаш уюштирган. Ходимлар иш ҳақини оширишни талаб қилиб чиққани айтилмоқда.

7 июнь куни кўплаб ишчи-ходимлар Сеулдаги Самсунг офиси олдига йиғилган. Иш ташлашни 28 мингга яқин аъзоси бўлган Samsung Элеcтрониcс миллий иттифоқи (НСEУ) ташкил қилган. Иш ташлашда қанча ходим қатнашгани аниқ эмас.

Бу иттифоқ таркибига компанияда ишловчи барча ходимларнинг бешдан бири аъзо бўлиб кирган. Ходимлар иш ҳафтасини бир кун олдин тугатган ва иш ҳақини ошириш ва йиллик таътилга қўшимча кун беришни талаб қилиб чиққан.

Samsung Элеcтрониcс вакиллари ходимларнинг иш ташлаши компаниянинг ишлаб чиқариш ва бизнес фаолиятига таъсир қилмаганини маълум қилган.

Таҳлилчиларнинг Reutersга айтишича, иш ташлаш ДРАМ ёки НАНД каби хотира флешкалари ва яримўтказгичлар ишлаб чиқариш, уларни етказиб бериш жараёнига жиддий таъсир қилмайди. Чунки уларни ишлаб чиқариш жараёни тўлиқ автоматлаштирилган.

Маълум бўлишича, охирги ҳафталарда Сеулдаги офис, шунингдек, пойтахт жанубидаги Хвасондаги чип ишлаб чиқарувчи завод олдида ишчиларнинг норозилик намойишлари бўлиб ўтган.

Сўнгги йилларда Samsung Элеcтрониcс компанияси бир нечта синовларни бошидан ўтказди. Пандемия пайтида компьютер чипларини ишлаб чиқариш қисқариб, уларнинг танқислиги компания фаолиятига акс таъсир кўрсатди.

Шунингдек, 2023 йилда чипларга талаб пасайиб кетди. Ана шундай мураккаб вазиятдан компания сунъий интеллектнинг ривожланиши туфайли чиқиб кета олди.

Маълумот учун, Samsung Элеcтрониcс хотира флешкалари, турли чиплар ва ярим ўтказгичлар ишлаб чиқариш бўйича дунёнинг етакчи компанияларидан бири ҳисобланади. Юқорида айтилган маҳсулотларни ишлаб чиқаришда унга асосан Тайван компаниялари рақобатлашади.