Самарқанддаги ресторан олдида қарғани занжирбанд қилиб қўйишди (ФОТО)
Самарқанддаги ресторан олдида қарғани занжирбанд қилиб қўйишди. Бу ҳақда "ekolog.uz" телеграм канали ёзмоқда.
"Самарқанд шаҳрида Labi g'or ресторани ёнида Регистон майдонининг рўпарасида занжирбанд қарға куни билан ўтганларга термулади. Қанот қоқиб учишга ҳаракат қилади, аммо афсуски оёғига солинган кишан бунга изн бермайди.
Агарда кафе ёки ресторанга шу тарзда одам жалб қилиш мақсад бўлса, адашасизлар. Қушнинг қийналгани ва одамларни қарғагани қолади, холос. Самарқанд вилоят экология бошқармаси қарғани озод этишга ёрдам берар деган умиддамиз", деб ёзади канал.
Матнда хатолик топсангиз, ўша хатони белгилаб, бизга жўнатинг (Ctrl + Enter).
