Самарқанд халқаро аэропортида туризм ахборот маркази очилди

Самарқанд халқаро аэропорти ҳудудида туризм ахборот маркази ўз ишини бошлади.

Ахборот марказида чет эл фуқароларининг Ўзбекистон Республикасида бўлиш тартиби, туристлар учун қизиқарли бўлган маданий мерос обектлари, туристик йўналишлар, жамоат транспорти хизматлари, автомобил ижараси, умумий овқатланиш, савдо ва маиший хизмат кўрсатиш, меҳмонхоналар, тиббий ёрдам марказлари ва бошқалар бўйича батафсил маълумотга эга бўлиш мумкин.

Марказнинг очилиши Ўзбекистон Республикаси Президентининг 2022-йил 24-декабрдаги “Самарқанд вилоятининг туризм ва транспорт салоҳиятидан самарали фойдаланиш, вилоятни “Самарқанд – Янги Ўзбекистоннинг туризм дарвозаси” консепсияси асосида ривожлантириш бўйича қўшимча чора-тадбирлар тўғрисида”ги ПҚ-455-сон Қарорига мувофиқ амалга оширилди.

Қайд этиш жоизки, Самарқанд шаҳрида ўтган йили 9 та туристик ахборот маркази ўз ишини бошлаган бўлиб, жорий йилда уларнинг сонини 18 тага етказиш режалаштирилган.