Россияга қарши санкциялари натижасида “Bosch” заводлари ишини тўхтатди

 Россияга қарши санкциялари натижасида “Bosch” заводлари ишини тўхтатди

АҚШ ва Европа Иттифоқининг Россияга қарши санкциялари натижасида “Bosch” заводлари ишини тўхтатганди.

Германиянинг маиший техника ишлаб чиқарувчи “Bosch” компанияси Россиядаги иккита заводи учун харидор қидира бошлади.

Заводлар Санкт-Петербург яқинидаги Стрелна қишлоғида жойлашган, хабар берди "Коммерсант.ру" нашри

Норасмий маълумотларга кўра, заводларга аллақачон бир нечта россиялик чакана сотувчилар қизиқиш билдиришган, аммо уларга сўралган нарх тўғри келмаган.

Бозор иштирокчилари заводларнинг нархи 65−75 млн еврогача бўлиши мумкинлигини тахмин қилишмоқда.

“Marvel Distribution” вакилининг сўзларига кўра, немис сотувчисининг заводларини сотиб олиш Хитой ёки Туркиянинг маиший техника ишлаб чиқарувчилари томонидан кўриб чиқилиши мумкин.

"Коммерсант"га яна бир компания вакили қўшимча қилишича, номзодлар орасида "анчадан бери Россияда маҳаллийлаштиришни истаган" Хитойнинг “Midea” ёки “Hisense” бренди бўлиши мумкин.

АҚШ ва Европа Иттифоқининг Россияга қарши, жумладан, асбоб-ускуналар ва бутловчи қисмлар етказиб беришга қарши санкциялари сабаб “Bosch” Санкт-Петербург яқинидаги заводлар ишини тўхтатди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!