Rolls-Royce минглаб ходимларини ишдан бўшатмоқчи

Rolls-Royce минглаб ходимларини ишдан бўшатмоқчи

Британиянинг Rolls-Royce Holdings Plc машинасозлик компанияси минглаб ходимларини қисқартириши мумкин, деб ёзади The Times консалтинг соҳасидаги манбасига таяниб. Компания учта бўлинма – фуқаро авиацияси, мудофаа ва энергетика тизимларини бирлаштириш ниятида, бунинг натижасида 30 минг нафар ходимнинг 10 фоизи ишсиз қолиши мумкин.

Энг катта қисқартиришлар компаниянинг бош қароргоҳи жойлашган Дербидаги ходимларга таъсир қилиши мумкин. The Times қайд этишича, у ерда Rolls-Royce компаниясининг бэк-офиси жойлашган.

Rolls-Royce компаниясининг ўзи ходимларга оид қарорлар ҳали қабул қилинмаганини билдирди. «Биз ходимларга потенциал таъсир кўрсатиши мумкин бўлган ҳеч қандай қарор қабул қилганимиз йўқ, бунинг акси ҳақидаги барча фикрлар фақат тахминдир», деди компания вакили.

Компаниянинг трансформация дастурини аввалроқ унинг бош директори Туфан Эргинбилгич эълон қилган эди, Rolls-Royce фаолиятини оптималлаштириш мақсадида McKinsey & Co. бошчилигидаги маслаҳатчиларни ёллаган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!